December 11, 2024, 08:03 PM : Deputy Commissioner Mon, Ajit Kumar Verma, IAS para itu inaugural programme grace kurishey, itu 5th Mon International Trade Fair & Expo 2024 laga, tatey Guest of Honour buhi kena, 11th December, 2024 tey, Mon laga Local Ground tey para.
Tai laga speech tey, itu DC para itu sob Stakeholder khan, Partner khan, Singer khan, Actor khan, Viewer khan ke thank janaishey, yatey participate kuria nimitey aru itu event organize kuria nimitey, Mon toh remote area tey thakilebi, Tai para koishey, bishi challenges khan aru dikdari khan thaki kena bhi, Mon International Trade Fair & Expo toh hoiley eneka hey consecutive para paach (5) saal para organize kuri kena ahi asey. Tai para itu nishina event laga significance opor tey kotha kurishey, multilateral thaka laga, kotey itua para local entrepreneur khan ke opportunity khan provide kurey, tai khan laga product khan expose kuriboley aru itu homoi tey hey notun saman khan bhi shikhiboley parey, bahar para aha manu khan para.
Khata speech khan deliver kurishey – Konyak Union laga representative – Bandang Wati, SDPO, Manpang aru Mon laga Sob Ward laga Treasurer – Tingshim Wangnao para.
Itu programme toh hoiley Er. Mhao Humtsoe, EAC Mon para chair kurishey aru L Samuel Konyak, SDO (C) Mon para welcome address deliver kurishey, aru Chahwang Konyak & Team Loyal para special number present kurishey.
Add Comment