Agartala, April 30, 2025: Tripura laga Security Forces khan para operation kurishe. Yete taikhan 6 Bangladeshi manu ke durishe. Aru 3 Indian Touts kebi durishe koishe. Etu toh alak alak jaga para durishe koishe. Yete Agartala laga Railway Station, Sonamura aru Teliamura te. Yete aru ban kurea laga saman khan bi durishe koishe.
GRP khan Agartala Railway Station te India Touts ke arrest kurisge. Tai toh Jakir Hossian ase koishe. Yete ageate Police khan Bangladeshi manu ke durikina. Investigation khan kurea pichete Jakir ke durishe koishe. Yete Police khan para janai dishe ki. Hossian toh Bangladeshi khan ke Modot kuri thakhishe.
Aru alak Operation te. Jatrapur Police aru TSR Personnel khan mili kina. 3 Bangladesh manu ke arrest kurishe koishe. Etu toh Border laga osor, Baidyanath Bosti para durishe koishe. Etu manu khan toh Mainul Islam,Taijul Islam aru Jahirullah ase koishe. Taikhan toh India te gushea pichete Documents khan thik nathakhi kina. Ghor ekta te Lokai thakishe koishe. Yete Police khan hamla kurea homoi te. Taikhan para duita Drums te Ganja bi durishe koishe.
Aru April 29 din tebi. BSF khan, Teliamura Railway Station te. 3 Bangladesh manu aru duita Indian Touts ke arrest kurishe koishe. Yete taikhan para koishe ki. Etu Indian Touts khan para Bangladeshi manu khan ke modot kuri thakhishe. Aru Taikhan ke Agartala para Silchar te loi jabo thakhishe koishe, Train para.
BSF khan parabi Indo-Bangldesh Border te bishi operation kurishe. Aru yete taikhan Ban kurea laga saman Rs 4 Lakh laga durishe koishe. Yete Cross-Border te security khan bi uthai dishe koishe. Yete manu khan bia tarika khan bishi kurea nimete.
Add Comment