August 1, 2024: Nagaland State Legal Services Authority para July 1 para August 1 tak One Month Summer Internship Program organise kuri shae aro etu program tho 60 laka upor law students kan para kotom kuri di shae.
Ekt culmination program time deh, NSLSA Member Secretary Victo Sema, NJS para law students kan keh perseverant taki b kui shae aro law profession deh driven taki b kui shae. Tai pata internship program tho sob sal di kui shae, law student kan karne. Tai para etu tho, law student kan keh alak alak subject matter olop buja bo karne deh kui shae, kuto taikan future deh laki bo.
Sema para legal services authorities set up kur laka purpose deh b kotha kuri shae. Tai para etu tho constitution karne mandate taki shae kui shae, Legal Services Act 1987 laka respect deh.
Etu karne etu tho legal awareness bana bo karne aro legal assistance dibo karne set up kura ase kui shae, especially society laka poor aro marginalized section kan keh utha bo karne ase. Principal District and Sessions Judge, Kohima & Chairperson, Kohima district Legal Services Authority para interns kan keh persistent aro hardworking taki bole encourage kuri shae. Tai para students kan keh b congratulate kuri shae, internship tho kotom kuri dia karne.
Agae deh program tho Cherry Ovung, State panel Lawyer, NSLSA para chair kuri shae. Interns kan para b month lamba program deh reports kan present kuri shae. Total 61 interns kan alak alak District Legal Services authority kan lokot deh internship lui shae aro District Courts aro High Court, Kohima Bench deh hua court proceedings kan keh observe kuri bole opportunity di shae.
Taikan Lok Ayukta, Jails, Legal Aid Defense Counsel, alak alak ghor kan aro institutes kan visit kuri shae.
Add Comment