France, 27 April : Kunwa 6,000 police nishna ke Olympic flame laga arrival karney deploy kuribo France dey ahia mahina, authorities para Friday dey kuishey kitia taikhan security forces karney bonuses announce kurishey, threatened industrial action ke avert kuriboley.
May 8 dey kitia itu torch toh Greece para Marseille laga southern port para ahibo, police laga presence toh jaa saal September mahina dey Pope Francis itu sheher dey visit kuria homoi logot dangor wala huwo.
Interior Minister Gerald Darmanin para kuishey ki ekta elite tactical unit, bomb disposal teams, nautical police aro ekta anti-drone team toh jagah dey thakibo kitia 19th-century sailing boat, Belem, itu port dey ghusibo. Organisers para 150,000 manu sai thakia expect kuri asey.
Itu extra forces toh local police aro firefighters laga addition dey thakibo.
Itu torch toh French Olympics organisers laga haat dey dishey Athens dey, Friday, aro itu Belem toh Saturday dey sail kuria shuru kuribo. Paris Olympics toh July 26 dey shuru huwo.
Darmanin kuishey ki itu Belem logot 1,000 boats logot bishi itu journey complete kuribo.
Minister kuishey ki itu torch event dey eku “specific threat” nai, huilewi ki law enforcement toh scenarios karney taiyar asey, ekta“radical Islamism” attack milaina far-right aro far-left extremists logot.
France toh ekta heightened Olympics security alert dey asey. Ekta 16-saal mota ke Friday dey formally charge kurishey, tai social media dey allegedly kua piche dey ki tai Paris Games dey ekta explosive belt kurina ekta martyr nishna muriwo mun asey, anti-terrorism prosecutors kuishey.
Add Comment