Tokyo, Japan, 11 April : Ekta Japanese department store para jani paishey ki 10 million yen ($65,000) daam laga ekta golden teacup toh Thursday dey chori huishey, ekta unlocked box dey showcase kuria piche dey.
Itu teacup, pure 24-carat gold para panaina, major department store chain Takashimaya laga ekta Tokyo outlet para chori huishey, kutey sale karney gold items khan diaplay kuria laga event lui asey.
Itu chori hua teacup toh display dey thakia shining teaware, tableware aro artefacts laga 1,000 pieces maju dey sobse daam thakishey, ekta Takashimaya spokesman para AFP ke kuishey.
Security footage para ekta mota itu cup tai laga bag dey halina itu jagah para pulaija dikhaishey, local media report kurishey, kitia police para apparent culprit ke bisari asey.
Itu display toh chari rakhibo huilewi Takashimaya para taikhan laga security uthawo, itu spokesman kuishey.
Itu ghatna toh December dey $40 Christmas cakes laga ekta fiasco dey Takashimaya officials khan sorom khaina olob mahina piche dey huishey.
Add Comment