New Delhi: Sunday din Union Agriculture Minister Radha Mohan Singh para kowah toh, 67.82 lakh opor farmers khan logode direct benefit transfer (DBT) scheme toh napabo. Kelay koile PM-KISAN portal laga details toh West Bengal, Sikkim aro Delhi deh upload kora nai. Etu tinda state ke charikena Madhya Pradesh, Rajesthan, Arunacha Pradesh, Maghalaya aro Lakshadweep debe farmers khan nemide fund transfer howah nai. Uploaded data toh verify howah nai aro fund nemide request toh nakorikena ase. Singh para kowah toh, West Bengal deh 67.11 lakh farmers khan logode Rs 2000 each toh pabole thaga ase. Judi Pradhan Mantri Kisan Nidhi (PM-KISAN) pethor deh fist instalment Rs 1,342 crore toh dese koile. Etu nesana Sikkim deh 55,090 farmers aro Delhi deh 15,880 khan logode be napai kena ase. Scheme pethor deh tai khan logode Rs 11 crore aro Rs 3 crore toh powah nai.
Interim Budget deh Narendra Modi government para two hectares nohoile 5 hectares nejide thaga mathi khan logode direct incime support Rs 6,000 per year toh sal deh tin par instalments hesab deh debo kowah thakise. First round of payment toh financial sal 2018-19 kothom nahowah agae deh Rs 2,000 debole ase.
Singh para kowah toh, 4.71 crore farmers toh 33 states aro Union Territories para upload kora thakise. Etu deh 3.11 jun toh verification bechide elegiable paise. Fist instalment toh 2.75 crore farmers logode transfer korishe aro ekta 22 lakh farmers nemide transfer koribole request korishe.
Minister para kowah toh, 1.65 crore khan logodebe toh correction nemide state deh pothaidese aro etu toh etya tak pending deh ase. Tai para kowah toh, Punjab, Haryana, Uttar Pradesh, Gujarat, Himachal Pradesh, UttarKhand, Andhra Pradesh, Assam aro Andaman & Nicobar laga farmers khan logode first instalment toh paise. Jammu&Kashmir, Dadra & Nagar Haveli, Telangana, Tamil Nadu debe 25-40 percent toh transfer kora thakise.
Add Comment