June 10, 2024 : Food Safety Wing, Department of Health & Family Welfare, para itu 6th World Food Safety Day 2024 commemorate kurishey, itu “Food Safety: Prepare for the Unexpected” laga theme under tey, Itu Government High School, PWD Colony, Kohima tey. Itu awareness programme toh hoiley Dr. John Kemp, State Programme Officer (Food Safety) para chair kurishey.
Dr. Akuo Sorhie, Mission Director (National Health Mission) para itu programme tey grace kurishey, tatey Special Guest buhi kena. Tai laga speech tey, Dr. Akuo Sorhie para emphasize kurishey ki, food safety toh hoiley ekta critical issue asey, ki ki laga age thakilebi, aru unsafe food khan khaishey koiley food borne bimar khan hoi aru long term disease cancer khan nishina kuntu toh hoiley ekta Global concern asey. Tai para itu bhi stress kurishey ekta healthy hygiene thakiboley kuntu toh hoiley khali responsibility ekla nahoi itu food business operator khan laga hoilebi itu consumer khan laga bhi.
Tai para assert kurishey ki, itu technological aru mass production laga advancement unseasonal fruit khan aru vegetable khan laga, tatey adulterate food khan thaki kena asey, itu market tey aru itu asey ki, manu khan toh husiyaar thakiboley lagey. Tai para itu bhi koishey ki, student khan toh hoiley ekta dangor tool hisap tey act kuriboley paribo safe practice khan generate kuri kena, food laga, itu community aru tai khan laga family bhitor tey. Itu alag alag kisim laga food laga product khan thaki ken aitu market tey, tai para sob ke request kurishey, hudai detail khan check kuriboley, itu manufacture kuria date khan label kuria jaga tey, best before likhi kena thaka tey, ingredient khan, veg/ non-veg logo etc khan, itu janiboley kun para ki khai asey aru ekta bhal health maintain kuriboley.
Add Comment