NEW DELHI, OCTOBER 4 : Assam state te Myanmar desh laga Rohingyas kan thuri kena rakha kan neju jaka te bataidebole kotha ulai kena thakise. Etu ke UN member kan pora nabatabole bhal kotha janaide thakise. Aro etu chamala nemite India desh laga Supreme Court tebi kotha mela kuridebole janaide kena thakise. Aro etu ke Supreme Court porabi ahkete bataidebole namani kena thakise. Huilebi Thursday din Supreme Court pora manikena etu 7 jun Rohingyas kan ke neju jaka te kobi Myanmar te bataidebi koi kena kotha mana huise koise. Kele Myanmar Desh porabi etu 7 jun Rohingyas kan toh tai kan neju desh laga manuhi ase koi kena janaidiya pora. Huilebi aro UN Special Rapporteur on Racism, Tendayi Achiume pora khobor te India Sorkar aro New Delhi ke khilaf pora juwab dese. Kele etu 7 jun Rohingyas kan ke Myanmar desh te bataidebole kuri ase koi kena. Etubi Rohingyas kan nemite Rakhine state te Myanmar Military pora eman chamala ulai thaka majutte. Aro UN porabi India Sorkar aro manu kan ekdam thik nai koi kena janaide thakise koise.
Etu Rohingyas kan toh Central Rakhine, Myanmar laga pora ase. Aro tai kan ke Assam states kan pora 2012 sal porahi thuri kena jail te rakha laga ase koise.
Add Comment