Agartala, 18 February : 73rd B N Mullick Memorial All India Police Football Championship (Men aru Women) Tripura te February 24 pora shuru hobo aru itu 12 din laga tournament March 7 te khotom hobo.
Championship laga smooth execution nimite, ekta preparatory meeting recent te Shaheed Bhagat Singh Yuva Awas laga meeting room te rakha hoise, juntu Youth Affairs aru Sports Minister Tinku Roy chair kuri thakise. Itu meeting te senior police officials aru sports administrators khan bhi part luishe.
Meeting te, Sports Minister Roy koise ki Youth Affairs aru Sports Department championship ke ekta dangor success banai bole full support di bo.
Tai aro urge kurise ki Information aru Cultural Department, Tripura Football Association, aru Tripura Sports Council bhi itu event te cooperate kuribo lage.
Minister bhi itu championship karone visiting teams khan karone bhal accommodation aru food arrangements thakibole importance di dise, aru tournament laga publicity dangor pora kuri, state laga sports enthusiasts khan ke attract kuribole lage koi dise.
Add Comment