KOHIMA, SEPTEMBER 1 : Khonoma, Terhotsiese te Ist September 2018 te 74th Khonoma Ruffuno Anniversary manaise. Etu ke Chief Minister Neiphiu Rio toh Special Guest nemite ahese aro tai pora etu din toh suru kuridese koise.
Etu din te kotha kurikena CM Rio pora etu Ruffuno Din ula time te ekjun-ekjun ke mon ekta hisabte hi babuna kura aro pujikena thaka toh suru huise. Etubi pura manu kan (elders) majutte. Aro aji etu nesena din te etu purana kahani kan yaat kurikena thakibole lagi koi kena janaide thakise.
Tai bi etu Khonoma jaka toh kahani te ekta sobse bhal wala (richest history) thakise. Etu khonoma laga kismet porahi ami kan state te Leaders kan besi ulai kena ami kan ke ahkete luijai kena thaka laga ase koi kena janaide thakise. Tai bi Khonoma aro Poilwa jaka laga manu kan Kohima te pani batabole kura (provide water) karne besi khushi baa kotha janaise koise.
Tai bi mati laga kotha hisabte kotha kurikena mati jaka toh development nemite debole kechara nakuribi. Kele etu development nemite mati diya pora hi ahkete bhal te luijabole bara hobo. Nahuile kedia bi development toh ahkete luijabole nabaribo koi kena janaise. AAro etu mati laga hisabte kotha kurikena tai bi Central kan ke rasta dangor kuribole aro ki-ki development nemite eman kotha kuri. Huilebi Central Ministry kanbi ahkete mati kan toh khushi pora debole kuribi. Etu huilehi Development nemite fund toh ene baijabole ase koi kena janaise koise. Etu karne mati nemite kechara nakuribi koi kena janaise.
Etu kan oporte CM Rio porabi tusera ki-ki development nemite aro bhal nemite kotha janaide kena thakise. Aro etu din toh President, Khonoma Ruffuno Nagaland, Huzo Meru pora ahkete luijai kena Programme toh manaise. Welcome Address toh President, Khonoma Ruffuno, Nagaland, Metsivito Savino pora kuridese. Chairman, Khonoma Village Council, Nisamezo Pier pora katha kotha kuridese. Village Elder, Kovor Kuotsu pora etu din nemite chama kura manu kan ke khushi (blessing) kotha janaide thakise. Aro Vote of Thanks toh Khriekhoto Mor pora janaidese koise.
