Agencies, 20 October: Coronavirus pandemic samai te, Central government employees ke kushi khobor pabo nesana ase kelay koile 7th Pay Commission pithor te Centre toh staffs nemide Dearness Allowance (DA) plan kora nesana nemide. Employes laga salaries toh Diwali agae te othabo nesana ase kelay koile Union government toh consumer price index for industrial workers (CPI-IW) nemide base sal putli koribole plan kori thaka nemide. Move para 48 lakh central government employees ke laab pabo nesana ase.
Media khobor hisaab te, etu move para central government employees laga salary te sitha otha thakibole ase kelay koile tai khan laga dearness allowance (DA) toh CPI-IW hisaab kora te directly dependent thaka nemide.
Note koribole, government para DA toh CPI-IW Index laga motob para hisaab (calculates) kori.
Media khobor hisaab te aro Labour Ministry laga ekta senior official para kowa hisaab te, “Government toh notun Consumer Price Index for Industrial Workers daiyar koribole ase. Base sal toh 2016 hobo pari. Base salt e putli kora para sitha staffers laga DA te sitha affect kori.
Ekta top official hisaab te, notun CPI-IW Index numbers toh October 21 te debo pari. Aji kali government para DA toh Coronavirus pandemic nemide June 2021 tak rokhai kena ase aro central government employees ke DA toh poila laga interest rate 17% te he dae. Etu manae, central government employees laga salary othibole opor te samai lakibo pari.
March te, government para central government employees laga DA 4 percent para othaideya thakise. Hoilebe April te government para etu putli toh etu sal April nahoikena June 2021 para putli koribole fesla kora thakise kelay koile pandemic nemide.
Add Comment