Phek, 1 October: Jowah Saturday de 7th Phek District Inter Departmental Badminton championship 2018 toh Phek Badminton Stadium de loise. Etu time de Phek Superintendent of Police Muthasuyi, NPS toh guest speaker thakise. Programme de SP pora khelari logode phal pora khela aro pura tournament de cooperate kora karni thanks janaideya thakise. Aro ahhibole laga tournament nemidebe phal pora khelibole janaideya thakise. Tai pora jama howah jaha de para tak kosish koribe physical finess de motob pabo kowah thakise. Mixed Double de first Tokavi & Vekudulu, DEF, Phek pora jeta thakise. Phek Government College pora second position toh Setichem & Chizokholu pora lowah thakise aro Solo & Dr. Atoholi third de thakise. Women’s doubles-WD de, administration department pora Vekutholu & Vezosulu first loise aro second toh 5th NAP laga Chizokholu & Lezote pora loise. Health & F/M laga Ale & Azenuo toh third position de thakise. 5th NAP laga Men’s Doubles Setichem & Vikehie toh first Position de thakise aro Education Department laga Kekhrozulo & Razhukhrie second de thakise. DEF Phek laga K.Zeliang & Tokavi third de thakise. Function de Ketuobu Vitsu chair thaise aro vote of thanks Dr. Nutazo Lohe pora kora thakise.
Add Comment