8 Pak manuh hath te Heroin paishe

Ahmedabad: Thursday pujur Arabian Sea, Gujarat coast te 8 jun Pakistani manuh khan laga hath para heroin₹ 150 crore neshina dham thurishe koikena state Anti-Terror Squad para khobor toh junaishe. Investigation hesab te koishe ke, contraband(heroin) toh 30 kg thakishe aro Gujarat coast via paani rasta para ahikena Pujab te gari rasta para loikena jaboli thakishe, koikena Anti-Terrorist Squad (ATS) para khobor toh janaishe. Deputy Superintendent of Police, ATS, Bhavesh Rozia logot khobor paishe ke, Pakistan-registered paani-jahas ‘Nooh te heroin toh loikena Kutch district te Jakhau port osor Gujarat coast te Thursday pujur ahiboli khobor paokena thakishe koishe. Intelligent  hesab te Gujarat ATS officials khan Jakhau te jaikena Indian Coast Guard logot melikena joint team bonaishe. Team members khan Coast Guard’s paani-jahas te jaikena wednesday rati Jakhau coast osor International Maritime Boundary Line (IMBL) te paani te patrolling korikena  saman toh thurishe, koikena Anti-Terror Squad para khobor toh janaishe. Intelligent khobor hesab te patrolling team para paani-jahas ‘Nooh’ toh Indian paani te thurishe, etu jaga toh Jakhau coast para 40 nautical miles neshina thaka te Thursday pujur samai thurishe, tai aro koishe. Etu beche joint team melikena paani-jahas te 8 jun Pakistani manuh ke thurishe aro tai khan laga hath te 30 kg heroin toh paishe, koikena ATS para koishe. Etu tawai laga dham toh international bazzar te ₹ 150 crore neshina laga dham ase koikena, khobor para janaishe. Paani-jahas te 8 jun Pakistani manuh khan ke loikena Jakhau laga Coast Guard station te rokishe aro etu kam nemite investigation koroboli ase, koikema ATS para aro koishe.