New Delhi, 9 August 2025: Pichla 10 financial year te Airports Authority of India (AAI) laga under te choli thaka 81 airport milai kena total loss Rs 10,852.9 crore hoise. Aji din te, etu bitor 22 airport non-operational hoi jaise.
Civil Aviation laga Minister of State Murlidhar Mohol eneka data Rajya Sabha te August 4 din present kori dise jabole Congress MP Jebi Mather Hisam laga question answer korise.
MP janibo mon thakise ki— India te thaka kun kun airport loss te choli ase, aru etu loss flight operation thaka airport bondh kori dibo na nai, aru underperform kori thaka airport ke financial aid dibo na nai.
2015-2016 para 2024-2025 saal tak laga data te janai dise ki desh te 81 airport milai kena Rs 10,852.9 crore loss hoise. Delhi laga Safdarjung airport sobse besi loss kori ase — Rs 673.91 crore. Agartala airport dusra number te ase Rs 605.23 crore loss logote, aru tar piche Hyderabad (Rs 564.97 crore), Dehradun (Rs 488.01 crore) aru Vijayawada (Rs 483.69 crore) top five loss-making airport bitor te ase.
Karon hota time, Civil Aviation Ministry laga ekta senior official koi dise ke Safdarjung airport to pehla din te main airport thakise Delhi te, kintu aji din te commercial flights nimite na chole. Etu khali VVIPS ke Indira Gandhi International Airport loi jabole use kori thake.
Aru major loss making airport bitor te Bhopal (Rs 480.43 crore), Aurangabad (Rs 447.83 crore), Tirupati (Rs 363.71 crore), Khajuraho (Rs 355.53 crore), aru Imphal (Rs 355.19 crore) bhi ase.
Non-operational hoi ja thaka airport hoise — Donakonda, Daparizo, Jogbani, Muzaffarpur, Raxaul, Deesa, Chakulia, Dhalbhumgarh, Khandwa, Panna, Shella, Aizawl, Thanjavur, Vellore, Nadirgul, Warangal, Kailashahar, Kamalpur, Khowai, Asansol, Balurghat aru Malda.
Mohol koi dise ke Regional Connectivity Scheme – Ude Desh Ka Aam Nagrik (RCS-UDAN) October 21, 2016 te launch kori thakise jabole unserved aru underserved airport bitor te regional air connectivity improve kori dibo.
“Etu scheme te airlines ke Viability Gap Funding diye jabole operational costs aru expected revenues bitor te gap pura kori dibo pare. Financial year 2025-2026 nimite RCS-UDAN budget Rs 300 crore rakha hoise,” minister koi dise.
Etu scheme te airlines ke Central aru state governments, Union territories aru airport operators para financial incentives aru concessions de jabole operational costs kom kori dibo aru operation promote kori dibo, bhi koise.
Total 92 unserved aru underserved airports, juntu bitor te 15 heliports aru duita water aerodromes ase, scheme laga under te operationalise kori dise, minister point out korise.
Add Comment