850,000 bacha logot Covid-19 positive paishe

November 4, 2020. United States te novel coronavirus bemari soru howa beche 850,000 oper bacha khan logot positive tested paikena ase, etu khobor toh notun report American Academy, Pediatrics aro Children’s Hospital Association para janai thishe. October moina 22 para 29 darik dak te 61,447 notun cases bacha pithor te khobor paishe aro etu bemar soru howa beche sobse besi ase koikena Xinhua news agency para janai thishe. Desh te October moina samai  200,000 notun bacha Covid-19 cases paishe. Etai dak United States te sob melaikena 853,635 bacha cases ase, etu bemari thaka pithor te bacha khan 11.1 per cent ase, khobor para koishe. Bacha khan para 1 per cent para 3.5 per cent dak te hospitalizations khobor hesab te aro Covid-19 para manuh mora te 0 para 0.2 per cent ase koikena Khobor para janaishe. “etia samai bacha pithor te Covid-19 bemari para bemar howa toh besi komti ase. Hoilebi, ahiboli din nemite jolti para data toh collect koribo lage, keli koile virus para ahibo din bacha laga physical health te lekibo pareh,” koishe. Wednesday pujur dako te, United States toh duniyaa te sobse besi cases 9,376,293 hoikena ase aro 232,529 oper manuh morikena ase, koikena Johns Hopkins University para janai thishe.