Meghalaya, February 7, 2025: Yete Meghalaya Police khan para West Garo Hills District laga Dalamgre para duty kuri kina check kurea homoi te, taikhan para 9 Bangladeshi manu ke durishe koishe, yete taikhan Meghalaya te bia tarika para gushea nimete. Aru yete Meghalaya toh Bangladesh logote border tooh bhak kurea karne gushishe koishe.
Yete Officials khan laga khoboer hisab te, Etu manu khan ke, Tuesday din, Rati 8:00 Pm khan te dikhishe koishe, yete taikhan Dalu Border para india te ahibole tarika khan kuri thakhishe koishe. Yete taikhan duita Maruti Garri Meghalaya laga no. thakhi kina ahi thakhishe koishe. Yete Police khan gari toh rukhai she koishe, yete inspection khan kuribole. Aru yete taikhan toh documents khan thik nathakhi kina durishe koishe.
Yete investigation kurea homoi te, police khan para 12 mobiles, SIM Cards, India laga Poisa, Aadhaar Cards aru alak Documents khan bi paishe koishe taikhan laga haat para. Yete etu saman khan toh Custody te loi jaishe koishe, ahibole laga homoi nimete tarika khan kuribole karne. Aru yete taikhan laga duita Maruti gari bi uthai loishe koishe.
Add Comment