New Delhi, 5 April ; Indian Olympic Association (IOA) dey thakia internal feud toh Friday dey ekta notun twist luishey kitia executive council laga nine members para “unauthorised manu khan” ke taikhan laga headquarters dey naghusiwoley ekta notice dey kuishey kuntu two recently appointed officials laga taraf directed thakishey. Itu notice toh IOA office premises dey nine executive council members laga ekta meeting piche dey post kurishey Tuesday dey. IOA president PT Usha aro executive council laga bishi wala members toh Raghuram Iyer ke CEO nishna January 6 dey appoint kuria dia piche dey para luina loggerheads dey asey. Iyer para agey dey Indian Premier League side Rajasthan Royals laga CEO nishna serve kurishey.
Itu notice toh senior vice president Ajay Patel, vice presidents Rajlakshmi Singh Deo aro Gagan Narang, treasurer Sahdev Yadav aro members Dola Banerjee, Harpal Singh, Yogeshwar Dutt, Amitabh Sharma aro Bhupinder Singh Bajwa para sign kurishey.
Jani paishey ki Usha toh itia town dey nai juti taike development laga janai dishey.
Iyer ke CEO kuri dina olob din piche dey, 15 EC members para 12 jun para allege kurishey ki Usha para tai laga appointment laga raasta panawoley taikhan ke pressure halishey, ekta charge kuntu itu legendary athlete para “shameful” kuina describe kurishey.
February dey, EC members laga majority para claim kurishey ki taikhan para ekta suspension order sign kurishey kutey Iyer laga appointment ke null aro void kuina declare kurishey. Itu EC members claim kurishey ki taikhan para IOA president ke executive assistant nishna Ajay Narang laga appointment bhi cancel kuri dishey.
Iyer aro Narang, huilewi, Usha para board dey ania piche dey para luina taikhan laga official duties discharge kuri asey, kun para assert kurishey ki tai toh notun appoint kuria CEO ke pura confidence asey aro taike hire kuriboley laga faisla dey wapis najawo.
Add Comment