Superman box office collection day 3

New York, 14 July : Superman uthi jaise—up, up, and away! DC Universe laga notun reboot James Gunn laga Superman ekdom bhal shuruaat kori loboise, aru global box office te dangor success pai ase. David Corenswet juntu Superman laga main role te ase, etu film opening weekend te he almost production budget recover kori loboise. Etu film, Zack Snyder laga Man of Steel (12 saal aage) ke beat kori, ekhon laga highest-opening solo Superman film bonaise. James Gunn laga Superman U.S. aru Canada te weekend box office chart dominate kori $122 million collect korise, juntu domestic market te ekta strong debut ase. Etu logot, Warner Bros—film laga studio—report disey ki international market para $95 million earn korise. Enika kori total global debut opening weekend te $217 million hoise. Film laga production budget $225 million thaka ke hisab te, superhero film laga future ekdom bright dekhaise. Superman etiya sob time laga best-opening solo Superman film boni jaise. Etu laga $217 million opening Zack Snyder laga Man of Steel (2013) te Henry Cavill thaka film laga $190 million record ke bhi cross kori loboise. Etu pora ageta Superman film Superman Returns (2006) — juntu Brandon Routh thakise — only $100 million logot open korise. Aro dangor difference etu te dekha paise, karon original Superman film (1978) — juntu Christopher Reeve thakise — North America te opening weekend te sirf $7.5 million earn korise, aru etu tai time te Warner Bros laga highest thakise. Etu Superman film James Gunn direction te banei jaise, aru David Corenswet ke logot Rachel Brosnahan, Nicholas Hoult, Edi Gathegi, Anthony Carrigan, Nathan Fillion, aru Isabela Merced bhi ase. Etu film James Gunn laga notun DC Universe laga first film ase, aru critics worldwide para bhi bhal praise pai ase.