Seoul, 4 August : South Korea laga famous actor Song Young-Kyu etiya nohoi. Tai Sunday din ekta gari bhitor te mora hali paise. Tai 55 saal umr te last saans luisey. Kintu, tai laga death karon etiya bhi clear nohoi, aru police taraf te investigation chuli ase. Jun manuh etiya bhi janibo nai, tai ekjon drunk driving case te ulai aahisey.
Song Young-Kyu June mahina te alcohol khai gari cholai thaka karone arrest kora hoisey. Itu incident karone, tai anek project pora hatai di kotha bhi aahisey. ‘The Defects’ namor ekta project to already shoot kori luisey, kintu official statement te kowa hoisey ki tai laga screen time to kom thakibo.
News agency PTI laga report hisab te, 55 saal umr actor Song Sunday din Gyeonggi Province laga Yongin te thaka ekta townhouse complex te gari bhitor mora hali paise. Yongin East Police Station te investigation already start korise. Local news website Koreaboo hisab te, Song Young-Kyu laga death karon etiya tak clear nohoi.
Song 1994 te children’s music drama ‘Wizard Mural’ pora debut korise. Tai ‘Trick’, ‘Hyena’ aru onno film te ekta bhal supporting actor hisab te janaprak manu boni luisey. Korean cinema laga ekta sabse beshi paisa kamai thaka film ‘Extreme Job’ te tai laga role to manu laga mon te thaka mota role ase. Itu film karone tai film industry te dangor naam aru izzat pai luisey.
Theatre, film aru television te tinita decade dhori tai public laga favourite actor thakisey. OTT platform aahibor pora tai laga fan to pura duniya te dangor poriman te barhi jaise. Song laga family etiya tak official statement ulai nai tai laga death upor te.
Add Comment