ADIP Aru RVY Scheme Opor Tey Assessment Camp Khan Loishey, Tuensang District Tey

August 08, 2025, 06:29 PM: Ekta series laga ADIP & RVY Assessment Camp khan loishey, free assistive device khan, wheelchair, hearing aid khan provide kuriboley laga, Persons with Disabilities (PwDs) khan karney aru senior citizen khan karney, itu event toh hoiley 4 blocks tey loishey Tuensang District laga – Noksen, Chare, Longkhim aru Sangsangnyu tey, 4^th para 7^th August, 2025 tak tey.

Itu Camp toh hoiley, milai kena organize kuria laga thakishey Chief Medical Officer Tuensang, Artificial Limbs Manufacturing Corporations of India (ALIMCI) Kanpur aru DWO Tuensang para, aru District hospital Tuensang, PHC Noksen, Chare, CHC  Longkhim aru UPHC Tuensang para support kuri kena.

Disability assessment aru PwDs laga Certification bhi conduct kurishey, CMO Tuensang, Dr. Imlitemsu Ozukum para.

Itu PwDs khan ke UDID Card khan issue kurishey aru tai khan laga tai khan laga PwD right aru alag alag benefit khan opor tey educate kurishey. Sob milai kena, pura puri 1120 manu khan (ADIP-291 & RVY-829) ke assess kurishey, itu char din laga Camp tey, kuntu majetey 291 Disability Certificate khan issue kurishey aru itu same number laga UDID Card khan bhi generate kurishey.