Japan ,9 August 2025: 80 years anniversary laga din te, US ja bole Nagasaki te atomic bomb mari dise, Mayor Shiro Suzuki dunia te cholti thaka fight tu stop kuri bole appeal kuri she, aro eni etu tu continue hoi thaki she koi lay tu nuclear war tak te bhi jabo pare . 9 August 1945 te bombing hoi kena , estimated 74,000 manu khan muri jai she, bachi thaka manu khan leukemia aro radiation laga effect para suffer kuri she. Itu Hiroshima te bombing tin din ho piche te hoi she, aro tati 140,000 manu muri jai she.
Saturday laga commemoration te, rebuild kuri thaka city te ekta silence rakhi she, aro twin cathedral bells tu first time attack para eku logo te ahi she, peace laga message dibo lage. Water offering bhi kuri she, aro blast hoa peche te victims khan para pani mangi thaki she. Survivors aro younger generation khan participate kuri, kena muri ja manu khan ke respect dibo lage.
93 years laga bomb survivor Hiroshi Nishioka para koi she ke radiation laga effects—gums para bleeding, chuli khan sop giri jabo, aro mori jabo—etiya bhi dimag te ase. 50 years laga resident Atsuko Higuchi koi dise, ke itu laga past hisab te nohoi, aro real events hoi thaka khan sop hisab te rakhibo lage.
Etu event cholti thaka Russia–Ukraine aro Israel–Hamas laga war tu midst te ahi she. Last year Israel ke invite naukri kena, etia tu Israel, Russia, aro Belarus sob ke invite kuri she. Treaty on the Prohibition of Nuclear Weapons 2021 para force te ahi she, 70 country para sign kuri she, aro nuclear powers oppose kuri thake. Japan bhi itu ban naukri bole, US nuclear weapons te depend kuri thake security karone. Event tu remembrance aro shanti karone ekta call ase.
Add Comment