Mizoram, 2 September : Mizoram laga Chief Minister Lalduhoma, Tuesday, September 2 te Society for Climate Resilient Agriculture in Mizoram (SCRAM) laga Governing Council laga ekta dangor meeting chair kori dise, juntu te FOCUS 2.0 laga implementation roadmap review kora hoise. Itu meeting Planning & Programme Implementation Department Conference Hall te hobo kora hoise.
FOCUS 1.0 safal hobo karone, state government FOCUS 2.0 launch kori dise Handholding Scheme niche, juntu ekta six-year programme hobo, aru departmental convergence majot implement kori bole ahibo. Itu project karone Planning & Programme Implementation Department hobo nodal agency.
State Finance Department 380 crore taka laga proposal sanction kori dise, juntu International Fund for Agricultural Development (IFAD) laga external loan assistance hobo. Kintu, Government of India laga final approval await kori ase.
SCRAM laga Governing Council, August 20, 2025 te formally notify kora hoise, Chief Minister hobo Ex-officio Chairman aru Planning Secretary hobo Ex-officio Member Secretary.
Meeting te members khan operational framework te revision, FOCUS 1.0 niche banai thaka assets continue aru modify kori bole strategy, aru implementing agencies laga organizational structure – state, district aru village level te – uporot discuss kori dise. Recruitment aru project staff engage kori bole bhi discussion kora hoise jate rollout smoothly hobo pare.
FOCUS 2.0 laga target hoise 11 district cover kora, 700 gaon reach kora aru 75,000 households benefit kori bole, juntu majot 7,000 landless farming families bhi include hobo, aru women beneficiaries empower kori bole special importance diya hobo.
Add Comment