Imphal, September 3, 2025: September 2 din te. Manipur Police khan para 3da manu ke arrest kurishe koishe Maklang te. Yete taikhan laga haat para 1,800 litres laga mudu pai kina. Etu mudu khan toh Bolero Camper para loi jai thakhishe koishe.
Etu arrest kurea manu khan toh Thomas Kamei (44). Tai toh Charinaphang Bosti para ase koishe. Lily Pamei (40) toh Tamenglong Khunjou para ase koishe. Aru Chinkhudin Pamei (38) toh Tamenglong Main Bazar para ase koishe.
Yete mudu aru Gari khan bi Excise Department khan ke didishe koishe. Etu upor te. Police khan parabi etu mudu khan duribole nimete. Operation khan toh thik para kurea ase koishe. Aru gari khan sob kebi checking kurea ase koishe.
Etu laga eki din tebi. Police khan para 34 challan katishe koishe. Yete traffic tarika follow nakurea nimete. Aru yete Fine Rs 62,500 nishina ulaishe koishe. Yete Window te kala marea khan ulai dishe 9 gari nishina para.
Add Comment