Imphal, September 4, 2025: September 3 din te. Security Forces khan para Manipur te operation kurishe koishe. Aru Successful hoishe koishe. Yete taikhan Insurgent manu aru drugs khan bi paishe koishe.
Yete ekta operation te. Security khan para Khomdram Deben Meitei (43) ke durishe koishe. Tai toh Bishnupur District laga Nambol Lourembam Maning Leikai para ase koishe. Aru taike Imphal West District laga New Keithemanbi Police Pkt point para durishe koishe. Tai laga haat para 184.13 kg laga Ganja paishe koishe. Aru tai toh Tata gari chulai kina etu saman khan loi jai thakhishe koishe.
Aru etu laga eki din te. Alak operation te. Security khan para duita KCP group member ke durishe koishe. Taikhan ke Imphal West laga Lamsang Police Station para durishe koishe. Tai duijun toh Yumnam Surchandra Singh (35) aru Haorongbam Tomba Meitei (29) ase koishe. Aru alak PLA laga group member kebi durishe koishe. Tai toh Kangujam Nongmaikhomba Meitei (50) ase koishe. Taike Imphal East laga Basikhong, nijor laga ghor para duri loishe koishe. Tai toh Public manu khan, Local business, Schools aru Colleges khan ke damki dikina poisa mangi thakhishe koishe. Etu toh Bishnupur District te ase koishe.
Add Comment