Kohim, Nagaland 04 Sep 2025: Nagaland Public Service Commission (NPSC) koishe ki taikhan SRD nimite special exam conduct nakuribo pare. Etu karne taikhan recruitment Medical Department ke wapas pathaishe. Medical Department SRD conduct kuribole try korishe, kintu 21-10-2024 te Hon’ble High Court interim order diya karne rukai dishe. Court laga nutun directive 01-08-2025 te aha piche, Department SRD continue korishe, kintu Nagaland Medical Students’ Association (NMSA) khan pra protest korishe.
COVID time te contract post create hoishe karon doctors khan bishi komti thakishe. Etu post medical college te ahi thaka student khan nimite nohoi, aru jun khan crisis time te response nakorishe taikhan nimite bhi nohoi. Etu post toh government laga advertisement te apply kurina thaka khan aro pandemic time te serve kuri khan karne thakishe
Etu COVID post create kura karne NPSC laga regular recruitment opportunity komti hoi jai nai. Vacancies toh ahithakibo retirement la hisap te.
Pura 511 cadre strength te (COVID time te create kura 120 post include kurikina), ajikali 303 regular doctor ase, 98 COVID appointee ase aro 30 post NPSC lah recruitment process te ase. Jodi COVID appointee regularize kuridile bhi, 80 post aru bachi thakibo NPSC lah recruitment te aspirants khan karne. 2016 pra 2024 tak, NPSC pra 99 post recruit hoishe. 2022 tak MBBS seat 65 thakishe. NIMSR 2023 te functional hoa piche te, seat 150 hoi jai she.
Add Comment