Kohim, Nagakand 4Sep 2025: Chief Minister Dr. Neiphiu Rio 4th September 2025 te Kohima, Nagaland Legislative Assembly te 14th NLA laga Seventh Session last day te concluding remarks dishe.
CM Rio sob member khan ke dhanyabad janai dishe, kun assembly te kotha kurishe state laga issues khan karne. Tai koishe ki sob MLA khan indigenous manu laga right te concern hobo lage aro nijor duty sincerely perform kuri thakibo lage.
Dr. Rio Bengal Eastern Frontier Regulation 1873 aro Article 371A, Indian Constitution mention kurishe, aro koishe ki etu law khan Nagas laga culture, tradition aro practice protect kuri thakishe.
Reservation Policy discussion MLA Dr. Tseilhoutuo Rhutso pra uthai dishe, aro CM Rio pra koishe ki etu issue te proper deliberation laga dorkar ase, meritocracy aru weaker section khan ke ek level playing field te anidibole. Tai bhi inform kurishe ki state sorkar committee already banai loishe, aro public pra aha issue khan accept kuri thakibo lage.
Referencing Census 2027 te sob manu participation dorkar kuribole stressed korishe. Tai specially Kuki, Kachari, Garo aro Mikhir tribe laga enumeration importance upor te koishe, aro taikhan ke Non-Naga Indigenous Inhabitants hisab te recognize kuri jabo.
Tai suggest korishe ki ekta online application banai dibo, juntu te immigrant khan laga database thakibo, aro etu authority aro public duijon nimite easy hobo illegal immigration rukhai dibo karne
Last te, CM Rio koi she ki sob stakeholder society milaikina kaam kuri thakibo, aro sob sector te economy build kuribo, aro illegal migrants khan ke naturally jabole dibo, forceful eviction nakurina.
Add Comment