September 15, 2025, 06:19 PM: Itu District Administration, Wokha para ICAR- Central Tuber Crops Research Institute (CTCRI), Sreekariyam, Thiruvananthapuram, Kerala; ICAR-Krishi Vigyan Kendra (KVK), Wokha; ICAR-ATARI, Zone VII, Umiam, Meghalaya logotey collaborate kuri kena, aru Nagaland State Rural Livelihood Mission (NSRLM), Wokha aru Mission Shakti – DHEW logotey converge kuri kena, Beti Bachao Beti Padhao (BBBP) under tey, successful para ekta ek-din laga training workshop organize kurishey, improved production opor tey aru value addition technology khan opor tey, tropical tuber crops tey.
Itu event toh hoiley, 15th September, 2025 tey loishey, Tiyi Hall, Wokha tey.
Deputy Commissioner Wokha, Vineet Kumar, IAS para itu programme tey Special Guest hisap attend kurishey. Tai laga address tey, tai para khushi pawa laga express kurishey, itu partner institution khan karney, tai khan laga commitment nimitey, Wokha district laga farmer khan karney. Tai para maiki khan laga enthusiastic participation thaka ke commend kurishey, itu workshop tey aru scientific approach khan adopt kuria laga importance emphasize kurishey, tuber crop cultivation kuriboley karney.
Principal Scientist and PI, NEH Programme, ICAR-CTCRI, Kerala, Dr. R. Muthuraj tatey special guest hisap buhi kena ekta special address deliver kurishey.
Add Comment