September 17, 2025, 07:03 PM: Chief Minister, Dr. Neiphiu Rio para Swasth Nari, Sashakt Parivar Abhiyaan launch kurishey, itu Kohima laga Capital Convention Centre tey, 17th September, 2025 tey, ekta notun health initiative shuru kuria laga mark kuri kena, itu “Healthy Women, Empowered Families” laga theme under tey.
Itu campaign toh hoiley, itu Health & Family Welfare laga Ministry para spearhead kuria laga thakishey, kuntu toh hoiley maiki manu khan laga health aru nutrition majbut kuriboley, parivar khan ke majbut kuriboley aru aru-bhi healthy laga community khan banaboley karney aim kuria laga asey.
Itu state-level launch kuria laga toh hoiley Prime Minister Narendra Singh Modi laga birthday logotey coincide kuria laga thakishey, itu Chief Minister para itu campaign toh hoiley Viksit Bharat 2047 laga part asey koi kena, India ke transform kuriboley, ekta developed nation banaboley, itu Independence laga centenary para.
Dr. Neiphiu Rio para koishey ki, Nagaland tey, itu campaign toh hoiley health aru nutrition opor tey focus kuriboley asey, maiki khan, adolescent chukri khan aru bacha khan nimitey.
Itu campaign toh hoiley 523 heath unit khan chulai jaboley asey, Nagaland bhitor tey, 12 District Hospital khan, 26 CHC khan, 8 UPHC khan, 97 HWC-PHC khan, 336 HWC-SC khan aru 49 AYUSH HWC khan thaki kena.
Maiki manu khan laga health aru empowerment laga central role ke acknowledge kuri kena, parivar khan aru community khan shape kuria tey, itu Chief Minister para doctor khan, nurse khan, ASHA khan, Anganwadi tey kaam kuria khan aru community volunteer khan laga contribution recognize kurishey.
Add Comment