Tseminyu, 18 September – Tseminyu DPDB laga monthly meeting 18th September 2025 te DC Conference Hall, Tseminyu te held kurishe, aru Vice-Chairman, DC Tseminyu Japheth Woch chairmanship kurishe. Meeting shuru hobo age te, nutun posted officer khan, DESO (Economic & Statistics) Department, Theyieneinuo Belho aru Manager (Bank of Baroda) Athew Enah nijor ke introduce kurishe aru House para taikhan ke warmly welcome kuri loishe.
Meeting te previous meeting laga minutes review kurishe. House para ekta nutun society, Tseminyu District Differently Abled Person Union (TDDAPU) register kuribole approve kuri dishe. Urban waste disposal problem bhi discuss kuri thakishe, karon waste management te bishi hurdle face kuri ase. Ekta proper disposal site laga dorkar ase, aru Tseminyu Town Council ke etu matter te sai dibole koishe.
House para janai dishe ki ekta RTI program 10th October 2025 te Tseminyu Town Hall te hobole ase. Taikhan office khan te CCTV installation bhi discuss kurishe aru government approval lobole approach kurishe.
House para unanimously agree kurishe Tseminyu District ke “Piggery District” declare kuribole aru Administration aru District Committee officers milikina ekta action plan banai she, next DPDB meeting te present kuribole ase. Yhuntilo Kent (Forest Ranger), Department of Forest, Tseminyu, ekta detailed PowerPoint presentation activities upor te dikhai she.
Add Comment