RMSA 2016 teachers laga issue discuss aru resolve kuribo karone ekta meeting 18th September 2025 te Shri Abhijit Sinha, IAS, Principal Secretary to Chief Minister & Home Commissioner, Nagaland para convene kurishe. Meeting te School Education Department, Samagra Shiksha, Law & Justice Department officials aru RMSA 2016 batch representatives khan bhi attend kurishe.
Principal Secretary government laga process aru state government laga constraints explain kuri dishe, specially Supreme Court te file kora Review Petition laga outcome aji tak pending thaka karone, teachers khan laga demand — scale pay implement kuribo karone. Tai RMSA 2016 teachers khan laga contribution acknowledge kurishe, kintu agitation laga adverse impact students community upor bhi remind kuri dishe, aru government laga desire ase ki issue resolve kuri lobo.
Tai aru highlight kurishe ki litigation cases dispose kuribole time bishi lagibo, tai workable alternative explore kuribo dorkar ase koikina suggest kuri dishe. Tai ekta Committee constitute kuribole propose kurishe, juntu te representatives thakibo School Education Department/Samagra, Finance Department, Law & Justice, All Nagaland School Teachers’ Association (ANSTA), aru RMSA 2016 batch para bhi, tate tai khan laga grievances khan sai dibole,
Government officials RMSA teachers khan ke assure kurishe ki taikhan submit kora Memorandum Chief Minister para study kuri dibo. Taikhan request kurishe teachers khan ke agitation call off kuribole aru school wapas jabole, jate students khan laga learning loss nahobo karone.
Add Comment