September 20, 2025: Deputy Commissioner Kohima, B. Henok Buchem para Revenue Officer Kohima, Kevingoto Kulnu, Extra Assistant Commissioner Kezocha, Limakumla Pongener, Executive Engineer PHED Rural Kohima, Er. Kedo Punyü, DDMO NSDMA Kohima, Thejangulie Zao, SDO PHED aru alag official khan logotey milai kena Kezoma village visit kurishey, itu pani laga pipeline assess kuriboley karney, itu Village Council, WATSAN committee aru alag bosti laga representative khan logotey, 19th September, 2025 tey.
Meeting laga homoi tey, itu Kezoma Village Council para report kurishey ki, NH-02 toh Phesama tey cut off kuria pichetey, sob Manipur tey jawa heavy gari khan ke Kezoma-Kidima road (MDR) tey para jaboley divert kuria laga thakishey. Aru itu kuria para, bishi heavy gari khan tatey para jaboley diya nimitey, aru pani bishi gira para itu raasta ke biya kuri dishey, itu osor laga bosti laga pipeline bhi damage kuri di kena aru pani laga supply damage kuri di kena, bosti manu khan ke bishi dukh kuriboley di dishey itu hoa para.
Itu Deputy Commissioner para itu bosti laga cooperation ke acknowledge kuri kena, itu bosti laga damage hoi kena thaka pipeline ke itu restore kuriboley asey, itu District Administration, PHED, aru NSDMA majetey collaborate kurishey.
Add Comment