Assam, 30 September : Raijor Dal president aru Sibsagar MLA Akhil Gogoi September 30, Tuesday din Chachal, Guwahati te indefinite hunger strike shuru korise, demand kori thaki ase Central Bureau of Investigation (CBI) inquiry Zubeen Garg, Assam laga music legend laga death karone. Reporters logot kotha kuri thaka time te, Gogoi demand korise ki sob logot juntu case te involve ase, taikhan ke turant arrest koribo lage.
Raijor Dal chief dangor financial scam North East Festival logot link ase koina allegation uthai dise, aru claim korise ki political leaders bhi etu te involved ase. Tai Enforcement Directorate (ED) ke urge korise ki etu matter te investigation launch koribo lage.
Ajay Phukan aru Victor Das ke National Security Act (NSA) te detain kori thaka upor te concern uthai, Gogoi Governor pora explanation mangise ki kun karone taikhan ke arrest korise, aru tai taikhan laga immediate release bhi demand korise.
Allegation aro intense kori, Gogoi question uthai dise ki Riniki Bhuyan Sharma organise kori thaka ekta fashion show Zubeen Garg laga maut pichete turant hobo naki, aru insist korise ki sob loke juntu logot involve ase taikhan public te nijor role clarify koribo lage.
Din laga agey te, Gogoi aru Raijor Dal members Raj Bhavan te Governor Lakshman Prasad Acharya ke memorandum submit korise, demand kori ki Zubeen Garg laga death te fair aru transparent probe hobo lage.
Etu majote, source para kotha ahi ase ki Governor etu saal Durga Puja festivities attend nokoribo, aru October 3 laga tai laga birthday bhi celebrate nokoribo, somber atmosphere karone.
Add Comment