New Delhi, 2 October : Final Destination: Bloodlines, franchise laga sixth film, Mission: Impossible – The Final Reckoning logot theatre te release hoise, kintu etiya bhi hit prove kori dise. Itu reboot, noutun cast logot, ekta noutun generation laga viewer khan ke attract kori dise. Etiya Final Destination: Bloodlines India te OTT streaming karone ready hoise.
Jack Lipovsky direct kori thaka film, exactly 4 mahina pichete theatrical release pora OTT te launch hobo. Multiple language te bhi available hobo.
Jio Hotstar official Twitter handle announce kori dise ki noutun installment October 16 pora India te streaming hobo. English logot, Hindi, Telugu aru Tamil te bhi film available thakibo. Note kora dorkar ase ki itu film etiya he Amazon Prime Video aru Apple TV te rent karone available ase.
Final Destination: Bloodlines laga cast te ase Kaitlin Santa Juana, Teo Briones, Richard Harmon, Owen Patrick Joyner, Rya Kihlstedt, Brec Bassinger aru Anna Lore.
Add Comment