Shamator, 2nd October – Shamator District Chess Association (SDCA) laga organize kuri thaka 1st Inter-school Chess Tournament 1st October 2025-te Government Middle School ‘A’ Shamator-te rakha hoishe. Tournament laga theme toh “Sharpening Minds, Rising Together”. Etu programme laga main uddesh toh students khan ke chess skill, thinking aru sportsmanship develop kuri dibole karone ase.
SDO PWD (NH) Shamator & Advisor (SDCA), Er. Thrimhokiu R. Yimchunger, special guest hisap-te thakishe. Association para MLA & Advisor for Youth Resources & Sports, Govt. of Nagaland, S. Keoshu ke bhi dhanyabad janai dishe karon prize money sponsor kuri thaka karone etu tournament bishi successful hobo parishe.
Tournament laga opening SIB Shamator, Nitoyi DCIO para kuri dishe. Chess Association Shamator District laga President, Akhumba Yimkhiung, sob participant aru winner khan ke congratulation janai dishe aru programme ke grand success banai thaka karone appreciate bhi kuri dishe.
Add Comment