Mokokchung, 2nd October – Assam Rifles khan para 1st October 2025-te Mokokchung district, Nagaland-te thaka Hav. Mering Ao, SC (Retd) Centre of Excellence and Wellness-te Operation Sindoor upor te ekta informative lecture organise kuri dishe. Etu programme-te centre laga student aru teacher khan bishi interest loikina actively participate kuri dishe.
Lecture-te Operation Sindoor laga background, objective aru achievement khan ke explain kuri dishe, aru etu operation laga importance security aru stability karone region-te highlight kuri dishe. Resource person khan para armed forces laga bishi important role – desh ke safeguard kuri thaka aru peace maintain kuri thaka – upor te bhi bhal para janai dishe.
Interaction laga majote student aru teacher khan ke opportunity dishe questions kuri bole aru security forces laga sacrifice aru dedication upor te bisi janibole. Etu session para participant khan laga understanding national security upor te bishi broaden hoishe aru bhi motivate hoishe nijor nijor field-te society karone bhal contribution dibole.
Etu programme Assam Rifles laga outreach initiative laga ekta hissa hoishe. Aji kali, Assam Rifles para eneka awareness programme organise kura local community logote bond strong kuri thake, trust build kuri thake aru youth khan ke encourage kuri thake civic responsibility aru discipline lobo. Etu value khan agete desh laga progress karone bishi important ase.
Add Comment