Imphal, October 5, 2025: Manipur Police khan para duita din nishina Operation kurishe koishe. Aru yete 23 saal manu ke durishe koishe. Tai toh Youths khan ke RPF te gusha bole manu bisari thakhishe koishe.Leimapokpam Marjit Singh ke October 3 din te durishe koishe. Taike tai laga ghor Hiyanglam Makha Leikai para durishe koishe. Authorities khan para tai laga haat para Mobile phone paishe koishe.
Aru alak Operation khan toh alak alak Districts khan te kurishe koishe. Aru yete Choita militants nishina khan ke durishe koishe. Security khan para 44 saal RPF/PLA ke durishe. Wangkhem Santikumar Singh ke toh Bishnupur District para durishe koishe. Aru yete duita RPF/PLA kebi Imphal West laga Chingmeirong jaga para durishe koishe. Police khan para janai dishe ki. Taikhan toh 31 aru 27 saal ase koishe. Aru taikhan toh tate thakhea manu khan ke damki dikina Poisa mangi thakhishe koishe.
Officer khan taikhan laga haat para .45 Glock Pistol aru 11 guli nishina paishe koishe. 3da mobile phone, Poisa Rs 1.26 Lakh, Gari ekta aru documents khan bi paishe koishe. Etu laga next din te. Police khan para aru duita manu ke durishe koishe. Taikhan toh KCP laga group member ke durishe koishe. Taikhan ke Imphal East Dsitrict para durishe koishe. Duita manu bi 44 saal ase koishe. Aru tai duijun toh Government Officials, Hospitals aru valley te thakhea manu khan ke damki dikina poisa mangi thakhishe koishe.
Add Comment