Colombo, October 5 — India T20 captain Suryakumar Yadav ekta bold kotha koishe India aru Pakistan Women’s World Cup 2025 match laga upor te. Yadav press conference te koishe ki , India aru Pakistan laga “rivalry” to olop exaggerate ase, karon jitiya ekta team bar bar jiti thake, etu toh “real rivalry” nohoi.
“Rivalry hoi jitiya match close hoi — jiman 6–6 nohoile 7–5. Kintu 11–0 toh rivalry nohoi,” Yadav hasi hasi koishe ki, India laga unbeaten record refer kure, juntu Pakistan oppone ICC women’s tournament te rakhi ase. Indian women’s team etiya try kuri ase tai khan laga winning streak 12–0 banabole.
Yadav praise kori dishe Indian women’s team ke, koishe taikhan bishi discipline aru focus ase. “Team laga shape bhal ase. Taikhan laga teamwork aru confidence bishi high ase. Jodi taikhan focus rakhibo parile, 12–0 toh easily hobo paribo,” Yadav koishe.
Tai laga comment toh fans aru cricket experts majote discussion create kuri dishe. India supporter khan praise kori dishe tai laga confidence ke, kintu olop critics khan koi ase eneka kotha toh women’s team upor pressure dibo pare. Kunba manu koi ase rivalry toh numbers te nohoi, kintu feeling, pride aru history te thake.
India aru Pakistan laga match toh sob time te emotional aru exciting thake — men’s or women’s both te. Etiya jitiya women’s team ready ase Colombo te game khan loikina, Yadav laga “11–0 toh rivalry nohoi” kotha toh excitement aru expectations duita up kori dishe.
Sab laga nazar etiya match te ase — Pakistan record break kuribo paribo, nah Yadav laga prediction “12–0” hobo reality?
Add Comment