India para Pakistan ke 88 Runs para haraise Women’s ODI World Cup Clash te

Colombo, 6 October : India Pakistan ke 88 run te harai dise Women’s ODI World Cup match te juntu R Premadasa Stadium, Colombo te khelise. India laga team nijor unbeaten record 12-0 maintain kori ase Pakistan laga khilaf te Women’s ODI te. Agey batting korina India 50 over te sob wicket haraina 247 run score kori dise. Reply te Pakistan 43 over te 159 run te all out hoise. Harleen Deol India laga side te sabse besi 46 run marise, Richa Ghosh 35 run aru Jemima Rodrigues 32 run marise. Pakistan te Diana Beg 4 wicket loise. 248 run chase korina Pakistan race te ahibo parianai, karon run rate 4 per over niche te thaki ase. Sidra Amin 81 run aru Natalia Pervaiz 33 run chara baki sob Pakistan player bishi contribute kori parianai. Kranti Goud aru Deepti Sharma 3 wicket kori loi dise, aru Sneh Rana 2 wicket loi dise. Agey toss te ekta controversy bhi hoise kitya Pakistan captain Fatima Sana “tails” koi thaka piche officials “heads” declare kori toss Pakistan ke di dise. India laga next match South Africa laga khilaf Vishakhapatnam te Thursday dinte hobo.