Nagaland, October 16 – Nagaland Joint Coordination Committee (JCC) declare korishe ki taihkan laga pen-down strike continue kori jabo, karon taikhan demand kori ase transparency aru fairness non-State Civil Service (non-SCS) officer khan ke Indian Administrative Service (IAS) te induction kori bole. JCC koi she ki strike continue kori jabo jitu sorkar fair aru just system restore nakore tak.
JCC, juntu different state service association khan milikina ase, accuse kori ase sorkar ke irregularity aru unfair practice allow kori thaka karone juntu merit system ke weak kori dishe. Taikhan clear kori dishe ki protest politics laga karone nohoi, kintu justice aru integrity maintain kuri bole ase.
All Nagaland School Teachers’ Association (ANSTA) laga appeal te JCC exempt kori dishe schools aru teachers khan ke strike para, karon taikhan ensure kuri ase students khan laga education effect nahoi jabole. Kintu baki government department khan strike continue koribo protest laga mark hisap te.
JCC public support pa thaka karone dhanyabad janai she aru inconvenience hoi thaka karone maaf mangi she. Taikan public ke request kori ase ki thora cooperate kori jabole, jitu fair system restore nakore tak. JCC spasht kori dishe ki strike khotom hobo jetiya government corrective measures lobo transparency aru fairness IAS induction process te. State government para official response JCC khan ke issue kuribole baki ase.
Add Comment