Dimapur, October 16 – Global pop music fans khan bishi excited ase karon toh, Iyaz, international level singer aru famous song “Replay” laga singer, kali October 17 te Ahibi Fest 2025 te perform koribole ase, Agri Expo Grounds, 4th Mile, Dimapur te. Event te music, culture aru entertainment milakina bishi vibrant experience thakibo, aru gate 1:00 PM te open hobo.
Festival te aru bishi talented regional aru national artist perform koribo, etu logote Arunachal Pradesh laga Sono Lem aru tai laga group 790001, aru Nagaland laga Lenen Jamir, Hentok Konyak, Keneisenuo Sorhie, Moko Koza, Kivika Assumi, DJ Lil Bomb, Sunep Lemtur, aru Aseno Metha. Event te Eva Jamir aru Luli Yeptho host kuribole ase, aru audience khan bhal experience pabo.
Music performance logote, Ahibi Fest te food aru beverage stall aru local aru regional entrepreneur showcase thakibo, juntu festival ke music aru culture celebrate koribo laga perfect platform banai dibo.
Ticket khan online ahibi.in te available ase aru physical outlet Dimapur, Chümoukedima, Wokha, Mokokchung aru Kohima te. Online ticket sale toh October 16, 9:00 PM te close hobo.
Festival laga goal ase international music aru local talent connect koribole, aru Nagaland te landmark cultural event banai dibole. Fans khan kali music aru entertainment logote Iyaz laga performance enjoy koribole bishi excited ase.
Add Comment