October 21, 2025, 05:52 PM: Itu muhina laga DPDB meeting, itu Tseminyu district laga loishey, 18th October, 2025 tey, DC laga Conference Hall tey para, Tseminyu laga, tatey Ar. Jwenga Seb, MLA & Chairman DPDB para itu meeting tey chair kuri kena. Jwenga para sob itu board member khan ke welcome kurishey aru tai laga appreciation extend kurishey, itu sob officer khan ke, tai khan laga present para, itu meeting tey. Itu jawa muhina laga last minute khan review kuri kena, itu board para rehabilitation opor tey kotha khan kurishey, landslide affect hoi kena thaka parivar khan nimitey, veterinary colony, Tseminyu tey. Kotha khan kuria pichetey, itu board para Rs 50,000/- sob ke diboley laga decide kurishey, itu charta effect hoi kena thaka parivar khan ke, itu State Disaster Management under tey. Itu administration laga advice tey, itu Rengma HOHO para bhi itu MLA ke request kurishey, itu affect hoi kena thaka area tey assist kuriboley karney. Itu MLA para assure kuri asey, tai laga full cooperation aru support toh diboley karney, itu affect hoi kena thaka area khan ke.
Member khan para bhi bhal para discuss kurishey itu PowerPoint present kuria opor tey, kuntu toh hoiley Deputy Commissioner, Japheth Woch para banaishey, Tseminyu District ke ekta Piggery District hisap banaboley. Itu member khan aru line department khan para suggestion khan diya pichetey, itu board para ekta committee constitute kuriboley decide kurishey, action plan khan frame kuriboley karney aru training khan diboley karney, itu farmer khan ke, successful para itu program implement kuriboley nimitey. Itu laga hisap tey hey, itu board para ekta committee constitute kurishey, Deputy Commissioner para matha thaki kena, Chairman hisap buhi kena, aru tatey allied department khan member hisap thaki kena. Itu District Industries & Commerce (DIC), Tseminyu laga department toh hoiley tai khan laga activity khan present kuriboley asey, itu next meeting tey.
Add Comment