October 26, 2025, 06:35 PM: Israeli forces para ekta “targeted strike” kurishey, ekta manu opor tey, central Gaza tey, kun khan toh hoiley itu attack toh Israeli troops opor tey kuriboley plan kuri thakishey, Israeli laga military para Saturday tey koishey.
Ekta U.S. para back kuria laga ceasefire toh hoiley force tey asey, Israel aru itu Palestinian militant group Hamas majetey, dui saal hoa opor tey, itu war toh Gaza strip para shuru kuri kena, hoilebi duita side para bhi ekjon ekjon para violate kuria koi thakishey.
Israel para koishey tai khan toh hoiley Islamic Jihad laga ekta member ke target kuria laga thakishey. Sunday tey, itu Palestinian militant group para koishey, ekta statement tey, ki, itu Israeli military laga, ekta planned attack kuriboley laga, itu group para toh hoiley “ekta misa mishi badnam” kuria laga hey asey, koi kena.
Tai khan para koan ai, tai khan laga member ekta toh murishey na nai koi kena, itu Israeli strike tey.
Witness para Reuters khan ke koishey ki, tai khan toh hoiley drone strike kuria laga dikhishey, ekta car ke, aru utu gari toh jui para bhorta hoi jaishey. Local medic khan para koishey charta manu jokhom hoishey, hoilebi, tatey toh eku eneka manu muria laga toh report hoa nai itya tak tey.
Add Comment