October 26, 2025, 07:04 PM: Israeli laga Prime Minister – Netanyahu para Sunday tey declare kurishey ki, tai laga country toh hoiley, kun laga approval bhi nabisaribo, target khan ke strike kuriboley, Gaza tey nahoilebi Lebanon tey, itu ceasefire effect hoi kena thakilebi. Itu statement toh hoiley alag alag US official khan para visit kuria pichetey ula laga thakishey, kun khan toh hoiley itu ceasefire consolidate kuriboley sai thakishey, Gaza tey. Netanyahu para itu bhi koishey ki, Israel ekla para decide kuribo, kuntu country toh hoiley itu international security force ke join kuribo, Gaza tey.
“Israel toh hoiley ekta independent state asey. Moi khan nijey ke defend kuribo, moi khan nijey laga hisap tey, arum oi khan toh hoiley nijey laga fate determine kuribo”, Netanyahu para ekta meeting tey koishey, government minister khan laga.
Add Comment