Queensland, 6 November : Cricket te, India Australia logot Carrara Oval, Queensland te khelia choutha T20 International match te 48 run laga dangor jeet hasil korise. Itu jeet laga karone, Men in Blue logot series te ab manibo para nishna 2-1 laga lead loise. Australia 168 run laga target chase koribo try kori thaka te 18.2 over te 119 run te all-out jaise. Hosts bhal shuru korise new ball logot, kintu middle overs te Axar Patel aru Varun Chakaravarthy laga spin duo te phasijaise. Itu pichete Washington Sundar te end te tinita wicket loina Australia ke pura rokhi dise. Australia laga captain aru opener Mitchell Marsh 24 ball te 30 run mari top-scorer thakise.
India ke batting dibo karone Australia toss jeeti India ke bat dibole dise. India batting kori 168 run laga target set korise. Shubman Gill India laga taraf pora top-scorer thakise, 46 run mari. Australian bowlers majot Nathan Ellis sabse bhal perform korise, tini wicket loi. Adam Zampa bhi tini wicket loi thakise, kintu besi run diya karone olob expensive thakise.
Axar Patel ke Player of the Match declare korase, tai laga all-round performance karone — bat te 11 ball te 21 run mari aru ball te duita wicket loina India ke jeet dibole help korise.
Add Comment