New Delhi, 7 November : BCCI ahibo saal laga T20 World Cup nimite Ahmedabad, Delhi, Kolkata, Chennai aru Mumbai ke shortlist kori loise, aru final match Ahmedabad te kheli jaabo. 2023 ODI World Cup laga final bhi Ahmedabad te host kori jaise, jun desh laga dangor cricket stadium ase, more than ek lakh capacity laga. Itu edition laga marquee competition total 10 ta venue te host korise.
Khabar ase ki ICC next haafta February-March tournament laga full schedule announce koribo. Itu event Sri Lanka logot milikina host kora jaabo, jun Pakistan nimite neutral venue hobo, India logot kora ekta arrangement hisab te. Colombo Sri Lanka laga tin ta host city majot ekta ase.
India itu home World Cup te defending champion hisab te jabo, karon tai last saal June mahina te Barbados te final jeeti loise.
India te choose kora paanch ta venue sab Tier 1 city ase aru expected ase ki taikhan te full crowd hobo. Jodi Pakistan final te punchi hai, summit clash Sri Lanka te khelibo. Host nation kun bhi hobo, India aru Pakistan laga sob game 2027 porjonto neutral venue te hobo, ICC, BCCI aru PCB majot kora agreement hisab te.
Add Comment