“Michael” Biopic Trailer 24 Hours te 116 Million Views, Record set kurishe

New Delhi, November 9 – Upcoming Michael Jackson biopic Michael laga trailer launch hobo karone pura global te ekta dangor excitement ahishe. Trailer release hobo pichete matik 24 hours bitor te 116 million views paishe, ekta record-breaking performance dikhaishe. Etiya global te janai dikhai ase ki Michael Jackson laga influence aru legacy etiya bhi bishi strong ase. Etu biopic Antoine Fuqua hai direct kori ase, aru film te Michael Jackson laga journey — Jackson 5 laga choto time para global superstar hobo laga time — bhal para dekha dikhai dibole try kori ase. Trailer te Jackson laga iconic dance steps, powerful stage performance, aru behind-the-scenes moment bishi bhal para recreate kori kina dikhai ase. Film te lead role Jaafar Jackson, Michael Jackson laga nephew, hai play kori ase. Tai laga fans khan bishi bhal para appreciate kori ase karon tai laga look, voice, aru performance bishi resemble kori ase original superstar ke. Trailer te pai thaka dangor response karone social media bishi active hoijaishe , fans khan reaction, tribute, aru excitement share kori ase. Film April 24, 2026 te worldwide release hobo, aru etiha trailer laga record-breaking success karone, Michael biopic bishi anticipated biographical movie hobo nishchoy ase.