Cairo, 11 November : Shooting te, Samrat Rana kali Cairo te hoi thaka ISSF World Championship te men’s 10-meter air pistol gold jiti ase, aru itu pora tai first Indian hoise juntu individual air pistol world title jiti ase.
Rana men’s 10-meter air pistol gold jiti ase 243.7 score te, aru China laga Hu Kai ke mat 0.4 point pora pichhe kori. Tai laga desh-bhai Varun Tomar bronze medal loi ase, aru itu pora India laga double podium complete hoise. Age te, duita shooter bhi qualification round te 586 point loi top kori thaka ase.
Rana India ke men’s 10-meter air pistol team gold jite help kori thakise, Varun Tomar aru Sharvan Kumar logot.
22 saal laga Rana ahikhan Olympic event te world title jiti thaka panchth Indian shooter banise, aru tai elite list te join kori ase juntu te ase Abhinav Bindra, Rudrankksh Patil, Tejaswini Sawant, aru mixed team pair Shiva Narwal aru Esha Singh.
Dusra side te, dui-bari Olympic medalist Manu Bhaker individual medal miss kori dise, kintu Esha Singh aru Suruchi Singh logot women’s team silver jiti ase.
Kali laga charta medal loi India laga Cairo Championship te total medal count 9 hoise — tinta gold, tinta silver, aru tinta bronze — juntu China laga 12 medal pora second position te ase.
Add Comment