Goa, 12 November : Grandmaster (GM) Arjun Erigaisi, GM Karthik Venkataraman aru GM P. Harikrishna sob black pieces te khelikena point share korise, jabole R. Praggnanandhaa white te khelikena GM Daniil Dubov laga against te first game of Round 4 te FIDE World Cup 2025, Panaji, Goa te kalin ekta tough situation te bhi bachikena draw marise.
Second seed Arjun Erigaisi, black te kheli thaka time te, Hungarian GM Peter Leko laga against te 20 moves te quick draw loise, aru Harikrishna Swedish GM Nils Grandelius laga against te hold korise. Karthik bhi GM Le Quang Liem (Vietnam) laga against te draw korise. Itu din laga ekla decisive result USA laga two-time World Cup winner Levon Aronian pora ahise, juntu Poland laga Radoslaw Wojtaszek ke 37 moves te harai dise.
Charo jon Indian player sob Wednesday laga second game te equal footing te jabo, aru next match te win koribo bahut important hobo pre-quarterfinals te jagah paibo karone. Late evening te GM Pranav Venkatesh bhi Uzbekistan laga GM Nodirbek Yakubboev laga against te draw korise.
Add Comment