New Delhi, 12 November : India laga Women’s team Cricket for the Blind 2025 laga first-ever Women’s T20 World Cup te nijor campaign ekta winning note te shuru kori loise, Sri Lanka ke 10 wicket te harai dise opening match te. Itu match former Union Sports Minister Anurag Thakur pora Modern School Ground, Barakhamba Road, New Delhi te inaugurate korise, juntu inclusive aru accessible sports karone ekta dangor moment mark kori dise.
Toss jiti Sri Lanka first bat koribo decide korise, kintu India laga bowler aru fielder sob brilliant performance dikhaikena team ke 13.3 overs te sirf 41 runs te rokhi dise. India laga sharp fielding karone seven run-outs hoise, aru Deepika TC, Ganga Kadam aru Jamuna Rani Tudu ekta-ekta wicket loise.
Target chase korite India bahut easily win kori loise — 3 overs te 43 run marikena koi wicket loss nai. Captain Deepika TC front pora lead korise, 14 balls te 26 run marikena char ta boundary hit korise, jabole Anekha Devi 6 balls te 15 run (including 3 fours) marikena perfect support dise. Ganga Kadam ke Player of the Match declare korise tai laga all-round performance aru steady bowling karone.
India etiya next match Wednesday din 1:00 PM te Australia laga against te kheli bo, jabole Sri Lanka same din 9:00 AM te Nepal laga against te kheli bo.
Add Comment