New Delhi, 13 November : Experienced shooter Ashi Chouksey aru Anjum Moudgil women’s 50m rifle 3 positions (3P) laga final te jagah panai pare, karon duijon qualification round te 15th aru 17th position te finish korise ISSF World Championships Rifle/Pistol 2025 te. Itu competition Cairo, Egypt te Olympic Shooting Range te hoise, juntu te Norway laga Jeanette Hegg Duestad World Champion bonaise. Switzerland laga 17 saal laga Emely Jaeggi silver medal loi dise, aru Great Britain laga Seonaid McIntosh bronze medal jitise.
India medal tally te China piche second position te ase — India laga total medal ase 3 gold, 5 silver, aru 3 bronze, jetiya ki China top te ase 8 gold aru 15 total medal loi.
Qualification round te Ashi Chouksey India laga best shooter thakise, final score 588-26x loi, juntu Japan laga Misaki Nobata (588-27x) logot sirf ekta point difference te thakise, juntu 8th position te qualify korise. Anjum Moudgil 587-23x shot kori 17th position te finish korise, aru third Indian shooter Olympian Sift Kaur Samra 580-28x score te 48th place te thakise.
Duestad, juntu season te bhal form te ase, finals te 465.8 score loi tai laga dusra individual World Championship gold medal loi dise. Emely Jaeggi 465.3 score te finish kori, junior world record equal kori silver medal loi dise, aru tai laga sister Vivien Joy Jaeggi fourth position te finish korise. McIntosh, juntu ekta saal pichete international competition te return korise, 454.6 score loi bronze medal loi dise.
Kaal laga match te Manu Bhaker, Esha Singh aru Rahi Sarnobat logot 25m Sports Pistol laga precision stage start hobo.
Add Comment